Barnaamijka Help Me Grow waa nidaam waddanka oo dhan laga aqoonsan yahay oo isku xira khayraadka iyo gudbinnada oo qoysaska ka haga shabakadda adag in la fahmo ee adeegyada si iyaga loola xiriiriyo meelaha habboon ee laga helo taageerada bulshada. Waxuu bulshooyinka ka caawiyaa in ay faa'iidada ugu badan ka helaan khayraadka ama adeegyada hadda jira si loo hubiyo in qof walba uu dareemo in la taageero. Marka ay isticmaalaan barnaamijka Help Me Grow, waalidiinta iyo daryeeleyaashu waxay si fudud u heli karaan khayraadka ama adeegyada ay u baahan yihiin, goorta ay u baahan yihiin. Nidaamka barnaamijka Help Me Grow ee lagu guulaysto waxuu bulshooyinka uga baahan yahay in ay wada shaqeeyaan, soo ogaadaan khayraadka oo ay si cusub uga fikiraan in ay faa'iidada ugu badan ka helaan awoodaha iyo fursadaha.
Helitaanka Isku duwan waa nidaamka suurtogeliya in carruurta iyo daryeeleyaashooda lala xiriiriyo adeegyada ay u baahan yihiin, goorta ay u baahan yihiin iyo sida ay ugu baahan yihiin. Fiiri maabka gacansaarleyaashayada ama dadka xiriir hoose nala leh ee taageera qoysaska ku kala baahsan Gobolka Washington.
Gacanfidiska Qoyska & Bulshada waxaa lagu kordhiyaa fahanka ay waalidinta iyo adeegbixiyeyaashu ka haystaan horumarka carruurta ee caafimaad leh, adeegyada taageerada ee qoysaska diyaar ugu ah bulshada, iyo sida ay labaduba muhiim ugu yihiin wanaajinta natiijooyinka carruurta.
Bixiyeyaasha daryeelka caafimaadku waxay fursado badan u haystaan in ay horumarka carruurta ee caafimaad leh ku taageeraan shaqada ay qabtaan ee ay ugu adeegaan carruurta iyo daryeeleyaashooda, iyo weliba beddelaadda nidaamyada saameeya caafimaadka iyo horumarka carruurta. Gacanfidiskan waxaa adeegbixiyeyaasha lagu weydiinayaa in ay hormood u noqdaan barnaamijka Help Me Grow oo ay xoojiyaan xiriirrada lagu kordhiyo baarista iyo taageerada hore ee loogu talagalay carruurta.
Gurista & Falanqaynta Xogta waxaa lagu taageeraa qiimaynta, waxaa lagu soo ogaan karaa waxyaabaha ka maqan nidaamka, waxaa lagu kordhiyaa dadaalka qareenimada waxaana lagu hagaa wanaajinta tayada.
Qareenimada waxaa lagu soo ogaadaa khayraadka iyo siyaasadaha loo doodi karo marka la joogo goobaha kaladuwan ee siyaasadaha lagu dejiyo si loogu faa'iideeyo carruurta iyo qoysaska.
Caddaaladda ama xaqu waa tiirka ay ku taagan yihiin qaybaha oo dhani. Gobolka Washington gudihiisa waxaan ka rabnaa in nidaamka barnaamijka Help Me Grow lagu hubiyo in qoysaska oo dhan adeegyada lagula xiriiriyo hab ay ku gaaraan hadafyada ay u leeyihiin ilmahooda iyo qoyskooda. Waxaa waajib nagu ah oo aan masuul ka nahay in aan caddaaladda bartamaha u gelinno shaqadayada, waxayna tani ka dhigan tahay dhegeysiga, wax ka barashada iyo taageeridda bulshooyinka laga xadeeyey ama laga awday xiriirrada ay la yeeshaan khayraadkan iyo meelahan taageerada laga helo.
?Si aad war dheeraad ah uga hesho Qaabdhismeedka Qaran ee barnaamijka Help Me Grow iyo shaqada ka socota waddanka oo dhan, fadlan booqo barta internetka Xarunta Qaran ee barnaamijka Help Me Grow .
